[打online game嗰陣你遇過啲咩最痴線o既事]
初中嗰陣，大約千禧年前後，我有個大我五六歲o既表哥，介紹咗幾隻外國MMORPG畀我同佢一齊玩，佢不厭其煩，有咩唔明講到我明，有咩英文唔識教到我識，仲同我分享咗好多遊戲哲學，佢話MMO你無論做乜角色，戰士、 法師、 Healer、 輔助又好，其實都係離不開打怪升Level，最終每個人個角色都係一樣，都只係好無靈魂咁一味鬥高level鬥好打，唔係一個True RPG Gamer。
咁點為之有靈魂？點為之一個True RPG Gamer？我問佢。佢帶咗我去遊戲裏面o既一個小鎮，介紹一個朋友畀我識，佢呢個朋友爛身爛勢，一睇啲裝備都唔似打得勁，但特別在，呢位玩家，佢竟然角色扮演緊一位盲人，呢個人如果想去某個地方，佢會係咁打字，解釋自己因為睇唔到野，而要人帶佢去，所以佢經常原地不斷响度叫，直到有其他玩家理佢為止。我又見過佢專登掉啲錢响地下，扮唔小心跌錢，然後响度搵，再大叫要啲途人幫佢執，當然最終大部份人都係執錢畀自己。如果有人問佢因咩事會盲咗，佢仲會長篇大論，話自己老豆畀人捉咗，自己被某個城主毒盲咗，而家只能夠响野外執魔法藥材兜售維生。。。我表哥嗰陣同我講，呢啲就係True RPG Gamer。
跟住又到某一日，我見到我表哥一身高階裝備，條友沾沾自喜，仲話返我啲衣著非常寒酸，我忍唔住串佢，我話你咪又係好無靈魂咁一味打怪一味儲錢買裝備。佢答我，佢啲錢並唔係打怪打返嚟，然後就帶咗我去城外一個無乜玩家會去o既墳場，叫我個角色先使用隱身技能隱藏自己，畀啲耐性等佢返嚟。
我等咗十幾分鐘，見到佢換咗佢另一個女法師角色，同行仲有一個我未見過o既玩家，佢地兩個响我面前用英文講咗一輪價，起初我覺得有啲莫名其妙，直至佢地兩個一傾好價錢，我表哥個女法師就即刻除晒全部衫，我先當堂遇夢初醒。仆你個街，我表哥原來响隻game裏面做雞。跟住落嚟個半個鐘，我一直keep住隱身，keep住偷偷地咁睇住兩條麻甩佬用兩個著住底衫褲o既角色响度轟烈地談心，表哥不斷用文字去挑逗人，再不斷地被啲猥褻o既純文字响度壓迫住，每一字一句都好震撼人心，而且惡心。我計過數，我呢個戰士雖然唔太勁，但面對兩條無裝備o既肉蟲，我一行返出嚟double click 幾下就可以斬X死呢兩條妖孽。但一場親戚，我忍住。
早幾年我表哥結婚，婚禮個陣佢响台上面對住表嫂講好多情深說話，講好多山盟海誓，全場都好感動，相信唯獨係我，腦海磨滅唔到佢同鬼佬o既激情片段。
相信有沉迷過任何MMORPG o既人，都會有一世都記得o既經歷。之後我無乜再同表哥打機，但我記得我沉迷過《天堂》，除咗隻GAME啲角色除唔到衫，唔會增加我o既童年陰影外，仲記得同盟友出嚟網聚係真係有女仔，佢地正經好多，無响Game裏面做雞。突然諗返起呢啲不堪回首既痴線經歷，係因為知道手遊《天堂M》已經做緊事前登錄，我唯一既希望係表哥唔會搵我一齊玩《天堂M》！
事前登錄連結：
https://goo.gl/ZMn8ko
Search